Valgerður Gréta G. Gröndal Hafið þið prófað að nota múslí í bakstur? Þessi epla og bananakaka er ótrúlega bragðgóð, stútfull af góðri næringu og trefjum, inniheldur lítinn viðbættan sykur og er þar að auki vegan. Ég notaði Rapunzel múslí bæði í kökuna og stökkan toppinn og það heppnaðist virkilega vel.
Hún helst lengi mjúk og er best með góðu kaffi!
Innihald:
- 1 stór þroskaður banani – um 120g
- 1 og ½ epli – samtals 240g
- 70g rapadura hrásykur
- 120 ml. oatly ikaffe haframjólk
- 50g kókosolía frá Rapunzel, brædd
- 1 tsk. vanilludropar
- 180g ávaxtamúslí frá Rapunzel
- 120g hveiti
- 2 tsk. kanill
- 2 tsk. lyftiduft
- ½ tsk. matarsódi
- ¼ tsk. salt
Stökkur múslítoppur
- 120g ávaxtamúslí frá Rapunzel
- 30g möndlumjöl
- 35g rapadura hrásykur
- 50g kókosolía, mjúk en ekki brædd
- 1 tsk. kanill
- Nokkur saltkorn
Aðferð:
- Hitið ofninn í 160°C blástur. Smyrjið ílangt form í minni kantinum og klæðið með bökunarpappír.
- Setjið banana og epli í matvinnsluvél og vinnið vel saman þar til það er orðið að mauki.
- Bætið hrásykri, haframjólk, kókosolíu og vanilludropum saman við og vinnið vel saman.
- Hellið þá múslíi, hveiti, kanil, lyftidufti, matarsóda og salti út í matvinnsluvélina og vinnið rólega saman þar til allt er orðið að samfelldu deigi. Skafið deigið í formið og sléttið úr.
- Útbúið múslítoppinn með því að blanda öllu saman í skál. Kreistið aðeins saman og dreifið jafnt yfir deigið.
- Bakið í ofninum í 50 mín eða þar til prjóni sem stungið er í kökuna kemur hreinn út.
Unnið í samstarfi við Gerum daginn girnilegan.