Valgerður Gréta G. Gröndal Gulrótarkökur hafa alltaf verið í uppáhaldi hjá mér og þessi uppskrift er ein af mínum uppáhalds. Ég veit í sannleika sagt ekki af hverju ég hef ekki sett hana fyrr á síðuna en hún klárast alltaf upp til agna og er í miklu uppáhaldi hjá fleirum en mér. Í þessari er hellings næring og aðeins minni sykur en í þeim mörgum. Bragðlausa kókosolían frá Rapunzel er frábær í bakstur eins og þessa köku. Ég nota einnig hafrahveiti á móti venjulegu hveiti en það gefur mjög gott bragð. Hafrarnir gera hana aðeins lausari í sér en hún er vel djúsí svo það kemur ekki að sök. Hún er svo toppuð með allra besta rjómaostakreminu og söxuðum ristuðum pekanhnetum.
Innihald:
4-5 meðalstórar rifnar gulrætur, um það bil tveir bollar án þess að þjappa
3 stór egg við stofuhita
1 bolli Rapadura hrásykur frá Rapunzel
2 tsk. vanilludropar
¼ tsk. vanillukorn frá Rapunzel
1 bolli hveiti
1 bolli hafrahveiti (Rapunzel hafrar malaðir í matvinnsluvél og svo mælt)
1 tsk. lyftiduft
½ tsk. matarsódi
¾ tsk. himalaya eða fínmalað sjávarsalt
1 msk. kanill
¼ bolli pekanhnetur, ristaðar og saxaðar smátt
1/3 bolli rúsínur
½ bolli bragðlaus kókosolía frá Rapunzel
¼ bolli súrmjólk
1 tsk. sítrónusafi
Aðferð:
- Byrjið á því að rífa gulræturnar og setjið til hliðar.
- Hitið ofn í 175°C blástur og klæðið 23x23cm form með bökunarpappír.
- Setjið sykurinn og 1 egg í skál og þeytið, bætið einu eggi við í einu þar til blandan er létt og ljós.
- Bætið við vanilludropum og vanillukornum og þeytið áfram í nokkrar sekúndur.
- Setjið hveiti, hafrahveiti, lyftiduft, matarsóda, salt og kanil saman við og hrærið í með sleif þar til deigið er nokkuð samfellt.
- Bætið þá við olíu, súrmjólk og sítrónusafa og hrærið með sleifinni.
- Setjið rifnar gulræturnar, rúsínur og saxaðar pekanhnetur saman við og hrærið í með sleif.
- Smyrjið deiginu í formið og bakið í 30 mín. Kælið alveg.
- Útbúið kremið og smyrjið yfir kökuna. Stráið söxuðum pekanhnetum yfir ef vill.
Færslan er unnin í samstarfi við Gerum daginn girnilegan.