Valgerður Gréta G. Gröndal Víða um Evrópu má finna einhverskonar útgáfur af jólaglöggi. Það er meðal annars kallað glühwein, mulled wine og julegløgg og elstu heimildir um slíka drykki ná aftur Rómverja. Á miðöldum breiddist hefðin út í Evrópu og hefur verið ómissandi hluti af jólahefð margra í gegnum aldirnar. Þó svo að margt glöggið innihaldi rauðvín og jafnvel fleiri tegundir vína auk krydda, þurrkaðra og ferskra ávaxta er ekkert nauðsynlegt að hafa áfengi í því.
Þessi áfengislausa útgáfa er ekki bara bragðgóð heldur einnig stútfull af góðri næringu og vítamínum. Eiginlega alger jóla orku bomba og veitir kannski ekki af í jólaamstrinu.
Innihald:
- 500ml eplasafi með engifer, frá Beutelsbacher
- 500ml klementínusafi frá Beutelsbacher
- 200ml trönuberjasafi frá Beutelsbacher
- 200ml rauðrófusafi frá Bautelsbacher
- 2 msk. hlynsíróp frá Rapunzel
- 40g sultaður engifer frá Rapunzel
- 40g berjablanda frá Rapunzel
- 20g rúsínur frá Rapunzel
- 40g möndlur frá Rapunzel
- 4 anísstjörnur
- 15 negulnaglar
- 5 kanilstangir
Aðferð:
- Setjið öll innihaldsefni saman í pott og hleypið upp suðunni.
- Látið malla á lágum hita í a.m.k. 30 mín.
- Hellið í falleg glös og berið fram heitt.
Unnið í samstarfi við Gerum daginn girnilegan.