Jarðarberja ostakaka með jarðarberjaskyri, mascarpone og lemon curd

Sólin hækkar á lofti og vonandi förum við að sjá aðeins meira af vorinu. Þessi dásamlega terta er að mínu mati boðberi hækkandi sólar, bjartsýni og gleði. Svo bragðgóð og falleg. Passar fullkomlega á Páskaborðið eða í fermingarveisluna. Hún er ekki erfið í gerð en smá tíma tekur að útbúa hana en það er fullkomlega þess virði. Jarðarberjaskyrið og rjómaosturinn spila ótrúlega vel saman með lemon curd og ferskum jarðarberjum. Fágun væri líklega orð sem við gætum líka notað yfir þessa unaðslegu tertu.

Innihald:

Kexbotn:

200g heilhveitikex mulið

85g brætt smjör

1 tsk. flórsykur

Fylling:

200g Mascarpone frá MS

2 dl rjómi

250g Ísey jarðarberjaskyr

1 sítróna, safinn og börkurinn

100g flórsykur

1 tsk. vanilludropar

5 matarlímsblöð

Aðferð:

1.  Botn: Byrjið á því að bræða smjörið, látið mesta hitann rjúka úr. Setjið kexið í matvinnsluvél og myljið smátt. Setjið kexið í skál ásamt bræddu smjörinu og flórsykri og blandið saman þar til blandan lítur út eins og blautur sandur. Setjið bökunarpappír í botninn á 20 cm smelluformi, setjið kexblönduna í formið og þjappið lauslega. Setjið botninn í kæli á meðan fyllingin er gerð.
2. Fylling: Setjið matarlímið í bleyti í kalt vatn. Setjið mascarpone ostinn í skál og þeytið í smástund þar til hann er farinn að mýkjast.
3. Raspið sítrónubörkinn af sítrónunni og setjið hann saman við.
4. Bætið skyri og flórsykri út í og þeytið þar til blandan er samfelld og kekkjalaus. Setjið til hliðar.
5. Þeytið rjómann, ekki alveg þar til hann er stífþeyttur en nánast. Blandið honum með sleikju saman við ostablönduna. Kreistið vatnið úr matarlíminu og setjið í lítinn pott ásamt safanum úr sítrónunni. Hitið þar til matarlímið er uppleyst og takið þá strax af hellunni.
6. Takið kúfaða matskeið af ostakökublöndunni og setjið út í pottinn með matarlíminu og hrærið saman þar til blandan er samfelld og kekkjalaus. Setjið þá matarlímsblönduna út í ostakökufyllinguna. Með þessari aðferð eru minni líkur á því að matarlímið fari í kekki í blöndunni.
7. Takið botninn úr kæli og hellið ostakökufyllingunni yfir botninn og sléttið úr með skeið. Setjið aftur í kæli. Gerið lemon curd á meðan kakan er í kæli. Best að hún sé í kæli yfir nótt eða að minnsta kosti 4 tíma.
8. Takið botninn úr kæli og hellið ostakökufyllingunni yfir botninn og sléttið úr með skeið. Setjið aftur í kæli. Gerið lemon curd á meðan kakan er í kæli. Best að hún sé í kæli yfir nótt eða að minnsta kosti 4 tíma.
9. Þegar bera á kökuna fram, smyrjið hana þá með lemon curd og skreytið með ferskum jarðarberjum, mér finnst einnig smart að setja nokkur blóm með spari.

Lemon Curd

3 sítrónur, safinn og börkurinn

300g sykur

200g smjör

4 stór egg

120ml ferskur sítrónusafi

rifinn börkur af sítrónunum

1/8 tsk salt

1.  Skolið sítrónurnar vel og þerrið. Raspið af þeim börkinn en passið að fara ekki niður í hvíta hlutann. Setjið sykurinn og börkinn í matvinnsluvél og vinnið saman í smástund.
2.  Setjið smjörið, sítrónusafa og salt út í og vinnið saman aðeins lengur. Bætið þá einu eggið út í í einu.
3.  Setjið vatn í pott og stál eða glerskál þar yfir. Setjið blönduna úr matvinnsluvélina í skálina og hitið varlega upp í 75°C eða þar til sítrónusmjörið er farið að þykkna. Þetta tekur ca. 10 – 15 mín. Fylgist vel með og hrærið allan tímann. Passið að vatnið bullsjóði ekki því það gæti gerst hratt að blandan breytist í sítrónuommilettu og það viljum við alls ekki.
4.  Þegar blandan er tilbúin hellið henni í hreinar krukkur. Kælið.

Athugið að þetta er rífleg uppskrift og dugar í 3 200ml krukkur.

Unnið í samstarfi við Gott í matinn.