Kjúklingalasagna sem allir elska

Kjúklingalasagna hentar fullkomlega í matarboðin þar sem öll fjölskyldan kemur saman til að njóta. Þetta er virkilega bragðgóður og skemmtilegur réttur sem allir sem smakka, hvort sem er börn eða fullorðnir, fá ekki nóg af.

Það er líka svo þægilegt við þennan rétt að ég notaði kjötið af einum heilum kjúkling. Það væri vel hægt að kaupa tilbúinn kjúkling til að flýta enn meira fyrir sér. Þennan rétt er einnig hægt að skipta í hluta og frysta. Það er mjög gott sparnaðarráð að elda ríflegt magn og frysta afganga. Það getur flýtt mikið fyrir manni í hversdeginum að eiga eitthvað tilbúið í frysti eða jafnvel taka með sem nesti í vinnu.

Flestir eru sammála um að kjúklingur og pasta fari vel saman, hérna spilar þetta dúó með dásamlegri sósu og grænmeti.

Innihald:

2 msk ólífuolía, ég notaði frá Rapunzel

Kjöt af einum heilum stórum kjúkling – hægt að nota 4 kjúklingabringur í

1 græn paprika

1 geiralaus hvítlaukur

1 laukur

3 stórar gulrætur

1 box sveppir

1/2 piparostur

1 dós niðursoðnir tómatar, ég notaði frá Rapunzel

1 flaska tómatpassata, ég notaði frá Rapunzel

1/2 krukka grænt pestó, ég notaði frá Rapunzel

1 msk oregano

1 msk ítalskt krydd

1 msk grænmetiskraftur í krukku frá Rapunzel

2 tsk kjúklingakraftur eða 2 teningar

Salt og pipar eftir smekk

1 poki mozzarellaostur og 1/2 piparostur rifinn

Aðferð:

1. Saxið smátt eða setjið í matvinnsluvél: papriku, hvítlauk, lauk, gulrætur, sveppi og piparost og steikið í frekar stórum potti.
2. Bætið tómötum, passata, pestó og kryddum út í og látið malla í 5 mín.
3. Bætið kjúkling út í og látið malla aðeins áfram.
4. Hitið ofn í 190°C
5. Raðið í standard stærð af ferköntuðu lasagna eldföstu móti: Fyrst kássa, svo lasagnablöð o.frv.
6. Látið efsta lagið vera kássu og stráið mozzarellaosti og rifnum piparosti yfir
7. Bakið í 40 mín.
8. Berið fram með góðu salati og hvítlauksbrauði.

Unnið í samstarfi við Gerum daginn girnilegan