Valgerður Gréta G. Gröndal Það er fátt jólalegra en ristaðar möndlur og hnetur, ilmurinn sem kemur af þeim þegar þær bakast í ofninum er óviðjafnanlegur! Þessi uppskrift er mjög einföld og lítið mál að útbúa þær. Ég nota hér hnetublöndu frá Rapunzel en það má í raun nota hvaða hnetur sem er.
Þær eru tilvalin viðbót í matarjólapakkann eða ostakörfuna fyrir sælkerana. Nú eða bara sem létt snarl eða með ostum og góðu víni.
Innihald:
400 g blandaðar hnetur frá Rapunzel (hesli-, brasilíu, kasjúhnetur og möndlur)
2 eggjahvítur
1 tsk vanilludropar
125 g púðursykur
2 tsk malaður engifer (kryddið)
¼ tsk chiliduft
¼ tsk múskat
1 tsk kanill
Aðferð:
- Hitið ofn í 180°C blástur.
- Þeytið eggjahvítur saman þar til þær eru nánast stífþeyttar og hrærið þá vanillunni varlega saman við.
- Blandið púðursykri og kryddum saman í aðra skál. Hellið hnetunum út í eggjahvíturnar og veltið þeim vel upp úr hvítunum.
- Hellið því næst hnetublöndunni út í skálina með sykrinum og blandið vel saman.
- Hellið hnetunum á bökunarpappírsklædda plötu og dreifið vel úr þeim. Bakið í ofni í ca. 20 mín og látið hneturnar kólna á plötunni.
