Valgerður Gréta G. Gröndal Það er fátt sem toppar góða brauðsneið með hangikjötssalati og þetta er að mínu mati það allra besta. Bragðmikið hangikjöt með silkimjúku majónesi, eggjum og strangheiðarlegum baunum og gulrótum úr dós.
Mér finnst mjög gott að bera það fram á þéttu, góðu brauði líkt og dönsku rúgbrauði og þá er það næstum eins og íslensk útgáfa af smörrebröd. Það er auðvitað svo sígilt að skella því á milli tveggja nýrra samlokubrauðsneiða og það er alls ekki síðra. Hvernig sem þið viljið bera það fram get ég lofað því að salatið klikkar aldrei!
Innihald:
300g soðið hangikjöt, skorið í litla teninga
4 harðsoðin egg
1 dós gulrætur og grænar baunir
250g Heinz, Seriously good mayonnaise
Salt og svartur pipar, eftir smekk
Aðferð:
- Byrjið á því að sjóða eggin og kæla þau alveg.
- Setjið baunirnar og gulræturnar í sigti og látið vökvann renna vel af.
- Skerið hangikjötið í bita og setjið í skál ásamt eggjum og baunum. Blandið varlega saman.
- Setjið majónesið út í og blandið saman með sleikju. Smakkið til með salti og svörtum pipar.
Unnið í samstarfi við Gerum daginn girnilegan.