Valgerður Gréta G. Gröndal Þessi súkkulaðikaka er grunnur fyrir allan súkkulaðiköku
bakstur á mínu heimili, fullkomin sem skúffukaka, súkkulaðiterta, cupcakes
o.fl. Eina sem þarf er ein skál og ein sleif og engin flókin eða dýr innihaldsefni.
Innihald:
2 bollar Kornax hveiti
1 b. sykur
1/2 b. púðursykur
1/3 b. dökkt kakó
1/2 tsk matarsódi
2 tsk lyftiduft
1 tsk salt
2 stór egg
1 b. súrmjólk eða AB mjólk
3/4 b. jurtaolía
2 tsk vanilludropar eða extract
1/2 b. sjóðandi vatn
Tryllingslega gott súkkulaðikrem
110g suðusúkkulaði
85g smjör
250g sigtaður flórsykur
2 msk kakó sigtað
2 msk mjólk
Aðferð:
Hitið ofninn í 175°C
Sækið stóra skál og sleif
Setjið öll þurrefni í skálina og hrærið með sleifinni
Setjið því næst, egg, olíu, súrmjólk og vanilludropa út í
og hrærið aðeins saman
Að lokum setjið þið sjóðandi vatn saman við og hrærið.
Þessi uppskrift nægir í tvo kringlótta botna ca. 24cm,
eina skúffuköku ( í skúffukökuform) og ca. 16 bollakökur. Bakið skúffukökur í
ca. 30 mín. Kringlótta botna í 25 mín og bollakökur í ca. 20 mín. Fer alltaf
eftir ofnum og gott að fylgjast vel með.
Þið getið notað allskonar krem, glassúra ofl.
Súkkulaðikrem aðferð:
Bræðið saman súkkulaði og smjör í örbylgjunni
Látið hitann rjúka úr að mestu
Setjið blönduna í skál og sigtið kakó og flórsykur út í.
Bætið mjólk varlega saman við og þeytið vel.
Smyrjið á kalda kökuna og skreytið eftir smekk
