Valgerður Gréta G. Gröndal Þetta salat er svo dásamlegt, stútfullt af næringu og það er sérlega þægilegt að getað sleppt einhverjum af innihaldsefnunum eða skipt þeim út. Áherslan er lögð á sem flesta liti og dressingin setur punktinn yfir i-ið. Hún í senn sölt og sæt, ásamt því að hafa þetta unaðslega umami bragð. Ég nota rauða karrý maukið frá Blue dragon á kjúklinginn og mér finnst það gefa sérlega gott bragð ásamt því að koma með smá hita í bragðið. Salatið er sérlega fallegt á borði og ég mæli eindregið með því að bera það fram í matarboðum eða saumaklúbbnum t.d.
Innihald:
Gulrætur
Gul paprika
Rauð paprika
Ferskt rauðkál
Hvítkál
Ferskt mangó
Agúrka
Baunaspírur
Kasjúhnetur
Ferskt kóríander
2-3 grillaðar kjúklingabringur
2 msk. rautt karrímauk frá Blue dragon
2 msk. ólífuolía
Salt og pipar eftir smekk
Dressingin góða!
3 msk hrísgrjónaedik frá Blue dragon
4 msk, Japönsk sojasósa frá Blue dragon
2 hvítlauksgeirar
2 msk. hunang
1 msk. ferskt engifer
2 msk. fínt hnetusmjör, ég notaði frá Rapunzel
2 tsk. sesamolía
3 msk. ólífuolía
Aðferð:
Setjið öll innihaldsefnin í dressinguna í lítinn blandara eða nutri bullet og vinnið allt vel saman. Berið fram með salatinu.
Unnið í samstarfi við Gerum daginn girnilegan.