Sumarleg vanilluterta með möndlukremi og jarðarberjum

Þessi vanilluterta er sannkallaður sumardraumur – svo mjúk með djúpu vanillubragði og dásamlegu silkimjúku möndlukremi. Á milli botnanna með kreminu eru söxuð jarðarber sem gefa kökunni ferskan keim og fullkomna bragðið. Möndlu-núggat smyrjan frá Rapunzel færir kremið algerlega upp á æðra stig og gefur mildan, hnetukenndan blæ sem passar fullkomlega með vanillubotnunum. Þessi kaka hentar vel í veislur, afmæli eða bara þegar þið viljið fagna sumrinu með einhverju ljúffengu – hér er sumar í hverjum bita, ég lofa!

Innihald:

2 ½ bolli hveiti
½ bolli maízena mjöl
1 ½ b. sykur
½ b. rapadura hrásykur frá rapunzel
3 tsk. lyftiduft
1 tsk. matarsódi
1 ½ tsk. salt
½ tsk. vanilluduft frá rapunzel
1 ½ b. súrmjólk
3 egg
1 b. jurtaolía
3 tsk. vanilludropar
½ b. heitt vatn

Möndlukrem:

120g vegan smjör eða smjörlíki
120g mjúkt smjör
2 bollar flórsykur
50g Möndlu-núggat smyrja frá Rapunzel
¼ tsk. möndludropar
1 tsk. vanilludropar
250g jarðarber + auka til skrauts
Aðrar tegundir af berjum að auki ef vill

Aðferð:

Hitið ofninn í 175° blástur og smyrjið þrjú 23 cm kökuform.
Setjið þurrefni í skál og hrærið í með písk.
Hellið súrmjólk, eggjum, olíu og vanilludropum saman við og hrærið í með písk.
Bætið við heitu vatninu og hrærið saman.
Skiptið deiginu á milli formanna og bakið í 30 mín eða þar til prjóni sem stungið er í miðjuna á botnunum kemur hreinn upp.
Á meðan botnarnir kólna er gott að huga að kreminu:
Þeytið saman smjör og vegan smjör þar til. Einnig er hægt að nota einungis aðra hvora tegundina ef þið kjósið. Setjið möndlu-núggat smyrjuna saman við og þeytið áfram eða þar til blandan er orðin mjög létt í sér.
Setjið flórsykurinn og dropana saman við og þeytið í alveg 5-7 mín. Eða þar til kremið er orðið létt og ljóst.

Samsetning:

Saxið jarðarberin og setjið til hliðar.
Setjið einn botn á kökudisk og smyrjið með kremi. Setjið söxuð jarðarber ofan á kremið og leggið annan botn ofan á. Endurtakið.
Setjið síðasta botninn yfir og smyrjið þunnu lagi af kremi á hliðarnar en aðeins þykkara ofan á kökuna. Skreytið með blönduðum berjum og blómum ef vill.0020